“Azanfilm” studiyası “Tıq-tıq və dostları möcüzələr axtarışında” animasiya filminin 2-ci hissəsinin istehsalını davam etdirir.

Öz dostları ilə Qobustana səyahət edən Tıq tıq xanım bu dəfə balaca dostlarımıza qayalıqların sirrini və maraqlı məlumatları çatdıracaq. Bu sirli hadisələrin ən yaxşı tərəfi isə Tıq-tıq xanıma yeni bir dost qazandırması olacaq. Mədəniyyət Nazirliyinin sifarişi ilə “Tıq-tıq və dostları möcüzələr axtarışında” maarifləndirici, çoxhissəli animasiya filminin  2-ci hissəsinin çəkilişləri davam edir. “Azanfilm” studiyasının məhsulu olan ekran işinin ssenari müəllifi və quruluşçu rejissoru Sultan Abbasbəylidir.

Filmin bəstəkarı Azər Hacıəsgərli, rəssamı Kübra Binnətova, redaktoru Yusif Şeyxov, səs rejissoru Mehman Nadirov, prodüseri Mansur Şəfiyevdir. Animasiya filminin 1 ci hissəsində cənub bölgəmizə səyahət edən Tıq-tıq xanım bu dəfə də balaca dostlarımızı nağıl dünyasına qərq edərək öz biliklərini onlara danışacaq.

"Tıq-tıq və dostları möcüzələr axtarışında" filminin 2 ci hissəsi 2021-ci ilin mart ayında tamaşaçılara təqdim olunacaq.

Nigar Babayeva