Hər il keçirilən “Amerika Musiqi Mükafatları”nın təqdimedilmə mərasimi pərəstişkarlar tərəfindən böyük maraqla qarşılanır. Məşhur müğənnilərin paylaşdığı səhnədə ilin ən çox sevilən musiqiləri sələnir. Bu il mükafatlandırma mərasimi pandemiya səbəbilə tamaşaçısız reallaşsa da, səhnədə coşğulu ifalar yenə də bir-birini əvəz edib...

Musiqi dünyasının səbirsizliklə gözlənilən tədbirlərindən biri də Amerika Musiqi Mükafatlarının təqdim edilməsidir. Pop, rok, kantri, hip-hop və bir çox janrlarda tamaşaçı rəğbəti qazanan müğənni və qruplar ilin ən yaxşıları adını qazanırlar. Bu il isə mükafatların təqdimetmə mərasimi pandemiya ilə əlaqədar olaraq, tamaşaçısız keçirilib. Böyük səhnədə maskalı rəqqaslarla və sosial məsafəni qoruyan müğənnilərin çıxışı ilə  reallaşan konsert canlı yayımlanıb. Musiqili tədbirdə Justin Bieber, Shawn Mendes, Katy Perry, Billy Eilish, Dua Lipa kimi pop ulduzların sevilən mahnıları səslənib. Amerika Musiqi Mükafatlarının təqdimetmə mərasimində “İlin ən yaxşı müğənnisi” Teylor Svift seçilib. Onun “Cardigan” adlı klipi də mükafata layiq görülüb. Qaliblərin siyahısına koreyanın məşhur BTS pop-qrupu, Justin Bieber, ən yaxşı albomun müəllifi kimi Harry Styles, “The Weekend” də daxil olub.