Yeni il ərəfəsində əyləncəli vaxt keçirməyin ən yaxşı yolllarından biri də film izləməkdir. Xüsusən də, əgər bu film bayram ab-havasındadırsa...
2020-ci il istehsalı olan “Milad hekayələri -2” bəddi filmi bayram ərəfəsində bir ailənin başına gələn maraqlı hadisələrdən bəhs edir. Ekran əsərinin birinci hissəsində təsadüfən santa Klausu görən və onunla bərabər qeyri-adi macəra yaşayan bacı-qardaş Teddi və Keyt ailə olmağın əhəmiyyətini anlayırlar. “Milad hekayələri”nin davamı olan yeni filmdə isə Keyt artıq yeniyetmədir. Onun Santya Klausla görüşü bu dəfə də maraqlı hadisələr fonunda baş verir. Belə ki, onlar Miladı yox etmək istəyən qəddar düşmənlə mübarizə aparmalıdırlar.
Filmdə Santa Klaus rolunu yenə də Kört Rassl canlandırır. Xanım Klaus rolunda Qoldi Houn, Kayt və Teddi rollarında isə müvafiq olaraq, Derbi Kamp və Yuda Luis çıxış edirlər. Rejissoru Kris Kalumbus olan “Milad hekayələri -2” komediyası dekabrın 25-i Netfliks kinoportalında yayımlanacaq.
Xavər Zairova
