Müharibə, Qarabağ mövzusu Xalq yazıçısı Elçinin də əsərlərində yer alıb. Müharibənin ağrısını-acısını, Qarabağın dərdini sadə qəhrəmanların diliylə təsvir edən yazıçı qələbə təəssüratlarını bizimlə bölüşüb.

Xalq yazıçısı Elçin SÖZüylə yola düşəndə onun qarşısına o qədər qəhrəmanlar çıxdı ki, hərəsi bir dərddə, bir ağrıda. Onun saysız-hesabsız qəhrəmanlarının həyat ağrısı müxtəlif olsa da, onları bir məqam birləşdirir. Ümid. Məzh ümid Elçin SÖZünə işıq tutdu. Qarabağın ağrısını nəsirinin yaddaşına köçürəndə belə ümid nəinki qəhrəmanlarını, heç yazıçının özünü də tərk etmədi. Yazıçı əsərləriylə hətta Qarabağın gələcəyindən də xəbər vedi. Əgər yazıçı Elçin Qarabağın göz yaşını illər əvvəl «Bayraqdar» povesti ilə sildisə, Şanlı ordumuz da «Bayraktar» PUAlarıyla düşməni ağlar qoydu. Yazıçı söyləyir ki, o da hamı kimi sentyabrın 27-dən ekran önündən çəkilmədi, səbirsizliklə qələbə xəbərini gözlədi.   

«Prezidentimiz siyasi iradəni ortaya qoydu. Çox ciddi sürətdə, sərt sürətdə və biz bu qələbəyə nail olduq. Azərbaycan əsgəri, Azərbaycanın Ali Baş Komandanı Azərbaycan xalqı bu qələbəyə nail oldu» - deyir Xalq yazışısı.

Qarabağda daşı daş üstə qoymayan erməni silahlı qüvvələrinin törəkdiyi əməllərə ekranlardan baxan yazıçı deyir ki, dağıdılmış evlər ona Karfagen xarabalıqlarını xatırlatdı - “Və mən sizə deyim ki, o iki min ildə Karfaqen xarabalıqları hansı bir vəziyyətdə idisə, bu günkü, XXI əsrdə o Füzuli xarabalıqları, o Cəbrayıl, bütün də, o rayonları, onlar onun yanında daha pis vəziyyətdə idi. Yəni bu 27 ilin düşmənçiliyi, 27 ilin kin-küdurəti, 27 ilin qeyri insani fəaliyyəti, xüsusiyəti, xisləti iki min ildən artıq olub».

Ssenari müəllifi olduğu «Mahmud və Məryəm» filmində yazıçının qəhrəmanı Ziyad xanın verdiyi «Qarabağ nəyiniz qaldı?» sualını elə müəllifin özünə də ünvanladıq.

«Mənə elə gəlir ki, bu günləri tək mənim yox, elə sənin özünün də, elə operator dostumuzun da bütün Azərbaycan xalqının da ürəyi elə Qarabağda idi, Qarabağda qalmışdı, və qarabağın azadlığı onların da ürəyinə azadlıq gətirdi… Azərbaycan xalqının ürəyi o sıxıntı qəfəsindən çıxdı».

«Qarabağda ilk gedəcəyiniz yer hara olacaq?» sualına isə yazıçı «İlyas Əfəndiyev bilirsiz Füzulidəndi, kökümüz ordandır, əlbəttə Füzuliyə gedəcəm, amma ilk növbədə, bunu gizlətmirəm, istəyirəm Şuşanı görəm. Şuşanı görüm. Şuşada bir Molla Nəsrəddi yolu vardı, indi bilmirəm, nə günə qoyublar. Şuşadan Füzuliyə indi yol çəkirlər, Dünənləri cənab Prezidentin Sərəncamı çıxdı. Füzuliyə dəyib, o yolla birbaşa Şuşaya, sonra Şuşadan qayıdıb Füzulini gəzmək..» cavabını verdi.

Xalq yazıçısı Elçinə Qarabağı qarış-qarış gəzmək arzusuyla

Ülviyyə Heydərova