İçərişəhərin Qala divarlarının "Qubernator" Bağı istiqamətindəki hissəsində bir neçə divar daşlarının tökülməsi müşahidə edilib.

İçərişəhərin simvolu, tarixin izini özündə əks etdirən Qala divarlarının restavrasiya edilməsinə başlanılıb. Divarın 900 metr uzunluqda olduğu , illərlə atmosfer yağıntılarına və klimatik təsirə məruz qaldığı nəzərə alınaraq abidə üzərində işlər mərhələli şəkildə icra ediləcək. Proses müvafiq plan üzrə həyata keçiriləcək. Qarşıdakı bir neçə il ərzində bütün divarlarının restavrasiyası planlaşdırılır. 2019-cu ildə Qoşa Qala Qapısının portalı və ona bitişik Qala divarının bir hissəsi uğurla bərpa edilib. “İçərişəhər” Dövlət Tarix-Memarlıq Qoruğundan bildirilir ki, milli tariximizin və mədəniyyətimizin nadir incisi olan qədim İçərişəhərin qorunması və saxlanması üçün bütün lazımi tədbirlər görüləcək.