“Mədəniyyət” TV yeni mövsümə yeni layihə ilə gəlir.

Sentyabrın 20-dən etibarən hər həftənin bazar günü saat 10:00-dan 11:00-dək yayımlanacaq Nəcibə Əlixanovanın yeni layihəsi “Nəcib söhbətlər” adlanır. Verilişdə mədəniyyət, ədəbiyyat və sənət adamları qonaq olacaqlar. Səmimi söhbətləri isə canlı musiqi müşayiət edəcək. “Nəcib söhbətlər”in ilk qonağı Əməkdar artist Sənubər İsgəndərli, musiqili qonaqları isə “Cəfərlinski BAND” qrupu olacaq.

Layihənin müəllifi Nəcibə Əlixanovanın verdiyi məlumata görə verilişin məqsədi bazar günü tamaşaçıda xoş ovqat yaratmaqdır.

Növbəti həftə “Nəcib söhbətlər”in qonağı yazıcı-jurnalist Günel Anarqızı, verilişin musiqili qonaqları isə “DiksiLend” qrupu olacaq.

Qeyd edək ki, “Mədəniyyət” kanalı yeni mövsümdən yenilənib. Kanalda bir-birindən maraqlı verilişlər yayımlanacaq.