Azərbaycan gəncləri beynəlxalq layihədə iştirak ediblər

4 Sentyabr, 11:57 Sosial mediada paylaşın:

Böyük Vətən müharibəsində qələbənin 75 illiyi şərəfinə Xantı-Mansiysk Muxtar Dairəsində - Yuqrada “Şimal Qələbə üçündür. Hər kəs sülh işi üçündür” adlı beynəlxalq layihə həyata keçirilir. Layihə İkinci Dünya müharibəsi haqqında tarixi həqiqətlərin qorunmasına yönəldilib.

Rusiya İnformasiya və Mədəniyyət Mərkəzinin (RİMM) mətbuat xidmətindən AZƏRTAC-a bildiriblər ki, layihəyə onlayn məkandan - www.pobeda-mir.ru “Şimal Qələbə üçündür. Hər kəs sülh işi üçündür” layihəsinin portalından start verilib.

Sentyabrın 3-də - İkinci Dünya müharibəsinin başa çatdığı tarixdə layihənin üzvü olan ölkələrin nümayəndələri ilə videokonfrans formatında görüş keçirilib.

Bakıdakı Rusiya İnformasiya və Mədəniyyət Mərkəzində təşkil olunan videokonfransda “Rossotrudniçestvo”nun Azərbaycandakı nümayəndəliyinin əməkdaşları və Azərbaycan Kazakları Həmyerlilər Birliyinin Gənclər Təşkilatının təmsilçiləri iştirak ediblər.

Videokonfrans təşkilatçıları Yuqranın, onun sakinlərinin və həmvətənlərinin, həmçinin xarici dövlətlərin regionlarının Böyük Qələbəyə verdikləri töhfələrlə bağlı tarixin az məlum olan səhifələrini dünya ictimaiyyətinə təqdim ediblər.

CANLI YAYIM