Macarıstanın ölkəmizdəki səfirliyi uşaqlar üçün rəsm müsabiqəsi elan edib

19 Avqust, 14:00 Sosial mediada paylaşın:

Tanınmış macar rəssamı Dyula Bentsurun 100 illiyi münasibətilə Macarıstanın ölkəmizdəki səfirliyi 6-17 yaş arasında azərbaycanlı uşaqlar üçün rəsm müsabiqəsini elan edib.

Müsabiqənin məqsədi pandemiyanın bu çətin dövründə gənc nəslin marağını və yaradıcılığını təsviri sənətə yönəltmək, onları etibarlı və faydalı fəaliyyətə həvəsləndirmək və gənc azərbaycanlılar arasında Dyula Bentsurun istedadlı davamçılarını tapmaqdır.

Müsabiqənin şərtlərinə əsasən, bütün rəsmlərdə Macarıstanın tarixi bir binası, endemik bir heyvan, coğrafi bir yer, məşhur bir şəxs və macar nağıllarından bir element təsvir olunmalıdır.

Sonda bütün qaliblər sertifikat və həvəsləndirici mükafatlarla təltif olunacaq, eyni zamanda, onların işi səfirliyin təşkil etdiyi sərgidə nümayiş olunacaq.

Müsabiqəyə qatılmaq üçün iştirakçılar öz əsərlərini naraazizova@yahoo.com və ya sh5photocompetition@gmail.com ünvanlarından birinə göndərməlidirlər. Qaliblər elan olunduqdan sonra, onlar rəsmlərini Macarıstanın Azərbaycandakı səfirliyinə təqdim etməlidirlər.

Müsabiqə ilə bağlı ətraflı məlumatı https://baku.mfa.gov.hu/aze ünvanından əldə etmək olar.

CANLI YAYIM